Dard Tapkey Hey

Mirza sahib bhi guzr gayee... Mohalley meen Nawab kehlatay they , ...waqifan-e-hal batatey they keh meerath meen kabab ka theelaa thaa..., 48 meen yehan ayee , bhanjey key sath mil ker , keh jo Matrooka-amlak meen ardali lag geyaa tha....kafi jaidad apnay naam kerwa lee.
Inteqal farma chukey heyn, ziada naheen kaheen gay , per aysaa koi bhi mamlaa hoo to munasib daam ley ker kaam kerwa diyaa kertey they ,
uskay badd unkay bohot say rishteydar bhi jonk dar jonk ayee, or bohot mustafeed huway , Rattan Talao per ab bhi unkay bohot saray rishtey dar , jin ki New Karachi or Sarjani meen zameeneen Alot huwi huwi heyn mojood heyn.

phir bhanjey key beytey ko jub Dakhla naheen milla to Sindhiyoon key sakht khilaaf hoo gayee ,, yeh our baat hey , bhanjey key beytey key namber hi third class they ....phir unkay khandan key loog , Qanoon Nafiz kerney waloon say chuptey phiree, kiyoon key , kai bori bund lashoon ney unki taraf ishara kiyaa thaa...... magr yeh to jado jehd ker rehey they .....or baqool aysee muqadmat siyasee heyn.... or koi saboot bhi naheen.



...phir suneney meen ayee , keh inkay apus meen bhi jhagrey shiroo hoo gayee , or doo dharoon meen khandan bat geyaa... khuch loog to naql maqani ker kay Punjab chaley gayee.....hal hi meen wapus ayee heyn...magr phichlee Dushmaniyaan to abhi baqi heyn.

.......pichley teen saal meen , unkay khandan key kai loog apus ki 'target killing' ka shikar hoowy heyn........kaiyoon key naam ki takhtiyaan to khud unhoon ney humeen dikhayeen jo mukhtalif chowkoon per aaj kal awayzaan kee jaa rehey heyn...

yeh takhtiyan bila tafreeq lag rehey heyn , keh koun dushman thaa our koun sajjan , bus aik naam hoona chahyee...


khair chooreen hum bhi kin chakaroon meen per gayee...


Moujooda sialab ki soorat-e-hal deykh ker , bar bar yeh baghiyana or kafirana khiyal hamaray zehn meen aata hey , allah mian sirf ghareeboon ko hi Nishana kiyoon bana rehey heyn.... or choor luteyroon ko mazeed nawaz rehaa hey ..
man leyn allah mian ub aap per meherban naheen rehey, to un say aas lagana ub bey faida hoo gaa..
...hamaray aik dost .....saiab zada elaqoon meen gayee..... unkey mutabik wahan loog ub sirf intezar ker rehey ...heyn.......janay kiss cheez kaa..

yeh jantay huway bhi .....keh ub joo kerna hey khud kerna hey , koi naheen ayee gaa... allah mian bhi naheen .
per shayed yeh subh-e-nou ki roshni say pehley wala moheeb andeyra hay...
....hai kambakht umeed .......yeh sub say buri bala hey......

Note : yeh pichley sal  sailab key baad likhaa thaa...